نكت جزائرية

موضوع: نكت جزائرية الجمعة أبريل 04, 2014 5:32 pm

السلام عليكم ورحمة الله
قالك واحد مزطول حبس طاكسي قالو راك فارغ ؟ الطاكسيور قالو ايه.. قالو المزطول ايا مليح اهبط اهبط نقصروا

~~~~~~~~~~~~~

مجنون داخل سينما لقى مكتوب ممنوع الدخول لأقل من 18.. راح جاب 17 من صحابو

~~~~~~~~~~~~~

خبر عاجل: تحطمت طائرة كبيرة تتسع لراكبين فقط فوق احد المقابر.. فقام جماعة من المزطولين بانتشال اكثر من 150 جثة

و مزال الحفر مستمرا في محاولة للعثور على ناجين

~~~~~~~~~~~~~
قالك مزطول علق لافيست تاعو و قعد.. بعد شوية طاحت لافيست قال ... اووووووووف مزية ماكنتش داخلها

~~~~~~~~~~~~~

مرة واحد حابس راحتلوا الكونكسيون عض الموديم

~~~~~~~~~~~~~
واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يسقسيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يسقسي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف

~~~~~~~~~~~~~

مزطول سقسى إمام قالوا:
لــوكان نتزخلق فالكوزينة و يدخل في فمي ماء و حبة بوراك و شوي قلب اللوز
و حبيبات تمر . . .بصح ماشي بلعاني هكدا تسمى فــطــرت ؟ !ّ
قــالــو:
لالا يا وليدي هكذا راك اتــغــديــت

~~~~~~~~~~~~~
واحد زار صاحبه اليوم الأول اعطاه حليب والثاني حليب والثالث حليب و في اليوم الرابع قعد ماجاش

فجاه صاحبو وقلو واش بيك ماجيتش ؟ قالوا سي بون تفطمت

~~~~~~~~~~~~~

هدا وحد تاعنا قال لواحد ميغري ضربني و نضربك
جا ميغري ضربو.. تاعنا يومين باش فاق.. قالو باش دربتني؟

قال ليه frape coup
جات نوبت تاعنا ضربو قعد عام في الكوما.. قالو ميغري باش دربتني؟
قالو k.m.j
قال ليه كيفاش .. قاله : كلامونيت ملوي في جورنال

~~~~~~~~~~~~~

معلم يدرس الرياضيات سقسى واحد مايفهمش الرياضيات

قالو باباك يعطي لخوك 3 تفاحات وانت تفاحة وش يساوي

قالو = تصرا حرب في الدار

~~~~~~~~~~~~~

قالك واحد شرا كبش وقال لمرتو شوفي

الكبش نصو شوا ونصو مرقة الصوف نديروه زربية والجلد دربوكة المصارن بكبوكة والراس مفور ولكرعين لوبيا

نطق الكبش قالو: هاك حتى بآآآآآآع ديرها سونري تاع بورتابل

~~~~~~~~~~~~~
قالك معلمة قالت للتلاميذ تاوعها غدوة يوم التراث ,كل واحد يجيب حاجة قديمة من دارهم
المزطول الصغير جابلها جدو في برويطة.

~~~~~~~~~~~~~
مزطول خرجلو جن فالليل و هو ماحافظ والو مالقرآن بدا يغني
إلا صلاتي ما أخليييييييييييها

~~~~~~~~~~~~~

قالك واحد شرا بورطابل جديد، كي فيبرالو.. قال يا دين ربي راه باعهولي حي

~~~~~~~~~~~~~
قالك واحد يكره جارهم قالو لوكان نعرفهم يدفنوك حدايا نرفد عضامي و نتحول

~~~~~~~~~~~~~
منتديات البنات الورديات

نكت مضحكة جدا هههههههه اضحك الله سنك يسلمو كثير

شكراااااااااااااااااااااااااااااااااا عالمرور

موضوع: رد: نكت جزائرية السبت يوليو 26, 2014 9:18 pm